Actions

अब घर आये चेतनराय

From जैनकोष

अब घर आये चेतनराय, सजनी खेलौंगी मैं होरी ।।अब. ।।टेक ।।
आरस सोच कानि कुल हारी धरि धीरज बरजोरी ।।१ ।।सजनी. ।।
बुरी कुमति बात न बूझै, चितवत है मोओरी ।
वा गुरुजनक बलि बलि जाऊँ, दूरि करी मति भोरी ।।२ ।।सजनी. ।।
निज सुभाव जल हौज भराऊँ, घोरूँ निजरङ्ग रोरी ।
निज ल्यौं ल्याय शुद्ध पिचकारी, छिरकन निज मति दोरी ।।३ ।।सजनी. ।।
गाय रिझाय आप वश करिकै, जावन द्यौं नहि पोरी ।
बुधजन रचि मचि रहूँ निरंतर, शक्ति अपूरब मोरी ।।४ ।।सजनी. ।।