View source for जीवन के परिनामनिकी यह

'''(राग ठुमरी)'''
<br>
जीवनके परिनामनिकी यह, अति विचित्रता देखहु ज्ञानी ।।टेक ।।<br>
नित्य निगोदमाहितैं कढ़िकर, नर परजाय पाय सुखदानी ।<br>
समकित लहि अंतर्मुहूर्तमें, केवल पाय वरै शिवरानी ।।१ ।।<br>
मुनि एकादश गुणथानक चढ़ि, गिरत तहांतैं चितभ्रम ठानी ।<br>
भ्रमत अर्धपुद्गलप्रावर्तन, किंचित् ऊन काल परमानी ।।२ ।।<br>
निज परिनामनिकी सँभालमें, तातैं गाफिल मत ह्वै प्रानी ।<br>
बंध मोक्ष परिनामनिहीसों, कहत सदा श्रीजिनवरवानी ।।३ ।।<br>
सकल उपाधिनिमित भावनिसों, भिन्न सु निज परनतिको छानी ।<br>
ताहिं जानि रुचि ठानि हो हु थिर, `भागचन्द' यह सीख सयानी ।।४ ।।<br>
<br>
----
[[Category:भजन]]
[[Category:Bhajan]]
[[Category:भागचन्दजी]]
[[Category:आध्यात्मिक भक्ति]]