View source for प्रवचनसार - गाथा 128 - तात्पर्य-वृत्ति

<div class="G_SanskritText">
<p>अथ लोकालोकरूपेण पदार्थस्य द्वैविध्यमाख्याति -- </p>
<p><span class="DarkFont">पोग्गलजीवणिबद्धो</span> अणु-स्कन्धभेदभिन्नाः पुद्गलास्तावत्तथैवामूर्तत्वातीन्द्रियज्ञानमयत्वनिर्विकारपरमानन्दैकसुखमयत्वादिलक्षणा जीवाश्चेत्थंभूतजीवपुद्गलैर्निबद्धः संबद्धो भृतः पुद्गलजीवनिबद्धः । <span class="DarkFont">धम्माधम्मत्थिकायकालड्ढो</span> धर्मा-धर्मास्तिकायौ च कालश्च धर्माधर्मास्तिकायकालास्तैराढयो भृतो धर्माधर्मास्तिकायकालाढयः । <span class="DarkFont">जो</span> यःएतेषां पञ्चानामित्थंभूतसमुदायो राशिः समूहः । <span class="DarkFont">वट्टदि</span> वर्तते । कस्मिन् । <span class="DarkFont">आगासे</span> अनन्तानन्ताकाशद्रव्यस्य मध्यवर्तिनि लोकाकाशे । <span class="DarkFont">सो लोगो</span> स पूर्वोक्तपञ्चानां समुदायस्तदाधारभूतंलोकाकाशं चेति षड्द्रव्यसमूहो लोको भवति । क्व । <span class="DarkFont">सव्वकाले दु</span> सर्वकाले तु । तद्बहिर्भूतमनन्तानन्ताकाशमलोक इत्यभिप्रायः ॥१२८॥</p>
</div>