GP:प्रवचनसार - गाथा 149 - तत्त्व-प्रदीपिका



अथ प्राणानां पौद्‌गलिककर्मकारणत्वमुन्मीलयति -

प्राणैर्हि तावज्जीव: कर्मफलमुपभुंक्ते, तदुपभुञ्जानो मोहप्रद्वेषावाप्नोति; ताभ्यां स्वजीव-परजीवयो: प्राणाबाधं विदधाति । तदा कदाचित्परस्य द्रव्यप्राणानाबाध्य कदाचिदनाबाध्य स्वस्य भावप्राणानुपरक्तत्वेन बाधमानो ज्ञानावरणादीनि कर्माणि बध्नाति । एवं प्राणा: पौद्‌गलिककर्मकारणतामुपयान्ति ॥१४९॥