GP:पंचास्तिकाय संग्रह-सूत्र - गाथा 74 - समय-व्याख्या
From जैनकोष
पुद्गलद्रव्यविकल्पनिर्देशोऽयम् ।
अनन्तानन्तपरमाण्वारब्धोऽप्येकः स्कन्धो नाम पर्यायः । तदर्धं स्कन्धदेशो नामपर्यायः । तदर्धार्धं स्कन्धप्रदेशो नाम पर्यायः । एवं भेदवशात् द्वयणुकस्कन्धादनन्ताःस्कन्धप्रदेशपर्यायाः । निर्विभागैकप्रदेशः स्कन्धस्यान्त्यो भेदः परमाणुरेकः । पुनरपि द्वयोःपरमाण्वोः सङ्घातादेको द्वयणुकस्कन्धपर्यायः । एवं सङ्घातवशादनन्ताः स्कन्धपर्यायाः । एवंभेदसङ्घाताभ्यामप्यनन्ता भवन्तीति ॥७४॥