GP:पंचास्तिकाय संग्रह-सूत्र - गाथा 47 - समय-व्याख्या
From जैनकोष
द्रव्यगुणानामर्थांतरभूतत्वे दोषोऽयम् । ज्ञानी ज्ञानाद्यद्यर्थांतरभूतस्तदा स्वकरणांशमंतरेण परशुरहितदेवदत्तवत्करणव्यापारासमर्थत्वादचेतयमानोऽचेतन एव स्यात् । ज्ञानं च यदि ज्ञानिनोऽर्थांतरभूतं तदा तत्कर्त्रंशमंतरेण देवदत्तरहितपरशुवत्तत्कर्तृत्वेव्यापारासमर्थत्वादचेतयमानमचेतनमेव स्यात् । न च ज्ञानज्ञानिनोनोर्युतसिद्धयोस्संयोगेन चेतनत्वं, द्रव्यस्य निर्विशेषस्य गुणानां निराश्रयाणां शून्यत्वादिति ॥४७॥