GP:प्रवचनसार - गाथा 123 - तत्त्व-प्रदीपिका



अथ किं तत्स्वरूपं येनात्मा परिणमतीति तदावेदयति -

यतो हि नाम चैतन्यमात्मन: स्वधर्मव्यापकत्वं, ततश्चेतनैवात्मन: स्वरूपं तया खल्वात्मा परिणमति । य: कश्चनाप्यात्मन: परिणाम: स सर्वोऽपि चेतनां नातिवर्तत इति तात्पर्यम्‌ ।

चेतना पुनर्ज्ञानकर्मकर्मफलत्वेन त्रेधा । तत्र ज्ञानपरिणतिर्ज्ञानचेतना, कर्मपरिणति: कर्म-चेतना, कर्मफलपरिणति: कर्मफलचेतना ॥१२३॥