GP:प्रवचनसार - गाथा 151 - तत्त्व-प्रदीपिका



अथ पुद्‌गलप्राणसंततिनिवृत्तिहेतु-मन्तरङ्गं ग्राहयति -

पुद्‌गलप्राणसंततिनिवृत्तेरन्तरङ्गो हेतुर्हि पौद्‌गलिककर्ममूलस्योपरक्तत्वस्याभाव: । सतु समस्तेन्द्रियादिपरद्रव्यानुवृत्तिविजयिनो भूत्वा समस्तोपाश्रयानुवृत्तिव्यावृत्तस्य स्फटिकमणे- रिवात्यन्तविशुद्धमुपयोगमात्रमात्मानं सुनिश्चलं केवलमधिवसत: स्यात्‌ । इदमत्र तात्पर्यं आत्मनोऽत्यन्तविभक्तसिद्धये व्यवहारजीवत्वहेतव: पुद्‌गलप्राणा एवमुच्छेत्तव्या: ॥१५१॥