GP:प्रवचनसार - गाथा 175 - तत्त्व-प्रदीपिका



अथ भावबन्धस्वरूपं ज्ञापयति -

अयमात्मा सर्व एव तावत्सविकल्पनिर्विकल्पपरिच्छेदात्मकत्वादुपयोगमय: । तत्र यो हि नाम नानाकारान्‌ परिच्छेद्यानर्थानासाद्य मोहं वा रागं वा द्वेषं वा समुपैति स नाम तै: पर-प्रत्ययैरपि मोहरागद्वेषैरुपरक्तात्मस्वभावत्वान्नीलपीतरक्तोपाश्रयप्रत्ययनीलपीतरक्त-त्वैरुपरक्तस्वभाव: स्फटिकमणिरिव स्वयमेक एव तद्भावद्वितीयत्वाद्‌बन्धो भवति ॥१७५॥