GP:प्रवचनसार - गाथा 244 - तत्त्व-प्रदीपिका
From जैनकोष
अथैकाग्र्यस्य मोक्षमार्गत्वमवधारयन्नुपसंहरति -
यस्तु ज्ञानात्मानमात्मानमेकमग्रं भावयति, स न ज्ञेयभूतं द्रव्यमन्यदासीदति । तदनासाद्यच ज्ञानात्मात्मज्ञानादभ्रष्ट: स्वयमेव ज्ञानीभूतस्तिष्ठन्न मुह्यति, न रज्यति, न द्वेष्टि:, तथाभूत: सन् मुच्यत एव, न तु बध्यते । अत ऐकाग्र्यस्यैव मोक्षमार्गत्वं सिद्धय्येत् ॥२४४॥
इति मोक्षमार्गप्रज्ञापनम् ॥