View source for चिन्मूरत दृग्धारी की मोहे

चिन्मूरत दृग्धारीकी मोहे, रीति लगत है अटापटी ।।टेक ।।<br>
वाहिर नारकिकृत दुख भोगै, अंतर सुखरस गटागटी ।<br>
रमत अनेक सुरनि संग पै तिस, परनतितैं नित हटाहटी ।।१ ।।<br>
ज्ञानविरागशक्ति तैं विधि-फल, भोगत पै विधि घटाघटी ।<br>
सदननिवासी तदपि उदासी, तातैं आस्रव छटाछटी ।।२ ।।<br>
जे भवहेतु अबुधके ते तस, करत बन्धकी झटाझटी ।<br>
नारक पशु तिय षँढ विकलत्रय, प्रकृतिन की ह्वै कटाकटी ।।३ ।।<br>
संयम धर न सकै पै संयम, धारन की उर चटाचटी ।<br>
तासु सुयश गुनकी `दौलतके' लगी, रहै नित रटारटी ।।४ ।।<br>
<br>
----
[[Category:भजन]]
[[Category:Bhajan]]
[[Category:दौलतरामजी]]