View source for चेतन यह बुधि कौन सयानी

चेतन यह बुधि कौन सयानी, कही सुगुरु हित सीख न मानी ।।<br>
कठिन काकताली ज्यौं पायौ, नरभव सुकुल श्रवन जिनवानी ।।चेतन. ।।<br>
भूमि न होत चाँदनीकी ज्यौ, त्यौं नहिं धनी ज्ञेयको ज्ञानी ।<br>
वस्तुरूप यौं तू यौं ही शठ, हटकर पकरत सोंज विरानी।।१ ।।चेतन. ।।<br>
ज्ञानी होय अज्ञान राग-रुषकर निज सहज स्वच्छता हानी ।<br>
इन्द्रिय जड़ तिन विषय अचेतन, तहाँ अनिष्ट इष्टता ठानी।।२ ।।चेतन. ।।<br>
चाहै सुख, दुख ही अवगाहै, अब सुनि विधि जो है सुखदानी ।<br>
`दौल' आपकरि आप आपमैं, ध्याय ल्याय लय समरससानी।।३ ।।आप. ।।<br>
<br>
----
[[Category:भजन]]
[[Category:Bhajan]]
[[Category:दौलतरामजी]]