GP:प्रवचनसार - गाथा 162 - तत्त्व-प्रदीपिका



अथात्मन: परद्रव्यत्वाभावं परद्रव्यकर्तृत्वाभावं च साधयति -

यदेतत्प्रकरणनिर्धारितं पुद्‌गलात्मकमन्तर्नीतवाङ्‌मनोद्वैतं शरीरं नाम परद्रव्यं न तावद-हमस्मि, ममापुद्‌गलमयस्य पुद्‌गलात्मकशरीरत्वविरोधात्‌ । न चापि तस्य कारणद्वारेण कर्तृद्वारेण कर्तृप्रयोजकद्वारेण कर्त्रनुमन्तृद्वारेण वा शरीरस्य कर्ताहमस्मि, ममानेकपरमाणुद्रव्यैकपिण्डपर्यायपरिणामस्याकर्तुरनेकपरमाणुद्रव्यैकपिण्ड-पर्यायपरिणामात्मकशरीरकर्तृत्वस्य सर्वथा विरोधात्‌ ॥१६२॥