GP:प्रवचनसार - गाथा 173 - तत्त्व-प्रदीपिका



अथ कथममूर्तस्यात्मन: स्निग्धरूक्षत्वाभावाद्‌बन्धो भवतीति पूर्वपक्षयति -

मूर्तयोर्हि तावत्पुद्‌गलयो रूपादिगुणयुक्तत्वेन यथोदितस्निग्धरूक्षत्वस्पर्शविशेषादन्योन्य-बन्धोऽवधार्यते एव । आत्मकर्मपुद्‌गलयोस्तु स कथमवधार्यते, मूर्तस्य कर्मपुद्‌गलस्य रूपादिगुणयुक्तत्वेन यथोदितस्निग्धरूक्षत्वस्पर्शविशेषसंभवेऽप्यमूर्तस्यात्मनो रूपादिगुणयुक्तत्वाभावेन यथोदितस्निग्धरूक्षत्वस्पर्शविशेषासंभावनया चैकाङ्गविकलत्वात्‌ ॥१७३॥