GP:प्रवचनसार - गाथा 213 - तत्त्व-प्रदीपिका



अथ श्रामणस्य छेदायतनत्वात्‌ परद्रव्यप्रतिबन्धा: प्रतिषेध्या इत्युपदिशति -

सर्व एव हि परद्रव्यप्रतिबन्धा उपयोगोपरञ्जकत्वेन निरुपरागोपयोगरूपस्य श्रामण्यस्य छेदायतनानि तदभावादेवाछिन्नश्रामण्यम्‌ । अत आत्मन्येवात्मनो नित्याधिकृत्य वासे वा, गुरुत्वेन गुरूनधिकृत्य वासे वा, गुरुभ्यो विशिष्टे वासे वा, नित्यमेव प्रतिषेधयन्‌ परद्रव्यप्रतिबन्धान्‌ श्रामण्ये छेदविहीनो भूत्वा श्रमणो वर्तताम्‌ ॥२१३॥