GP:प्रवचनसार - गाथा 218 - तत्त्व-प्रदीपिका
From जैनकोष
अथ सर्वथान्तरंगच्छेद: प्रतिषेध्य इत्युपदिशति -
यतस्तदविनाभाविना अप्रयताचारत्वेन प्रसिद्धय्यदशुद्धोपयोगसद्भाव: षट्कायप्राणव्यप-रोपप्रत्ययबन्धप्रसिद्धय्या हिंसक एव स्यात् । यतश्च तद्विनाभाविना प्रयताचारत्वेन प्रसिद्धय्य-दशुद्धोपयोगासद्भाव: परप्रत्ययबन्धलेशस्याप्यभावाज्जलदुर्ललितं कमलमिव निरुपलेपत्व-प्रसिद्धेरहिंसक एव स्यात् । ततस्तैस्तै: सर्वै: प्रकारैरशुद्धोपयोगरूपोऽन्तरङ्गच्छेद: प्रतिषेध्यो यैर्यैस्तदायतनमात्रभूत: परप्राणव्यपरोपरूपो बहिरङ्गच्छेदो दूरादेव प्रतिषिद्ध: स्यात् ॥२१८॥