GP:प्रवचनसार - गाथा 271 - तत्त्व-प्रदीपिका



अथ संसारतत्त्वमुद्‌घाटयति -

ये स्वयमविवेकतोऽन्यथैव प्रतिपाद्यार्थानित्यमेव तत्त्वमिति निश्चयमारचयन्त: सततं समुपचीयमानमहामोहमलमलीमसमानसतया नित्यमज्ञानिनो भवन्ति, ते खलु समये स्थिता अप्यनासादितपरमार्थश्रामण्यतया श्रमणाभासा: सन्तोऽनन्तकर्मफलोपभोगप्राग्भारभयंकर-मनन्तकालमनन्तभावान्तरपरावर्तैरनवस्थितवृत्तय: संसारतत्त्वमेवावबुध्यताम्‌ ॥२७१॥