आतमरूप सुहावना, कोई जानै रे भाई ।

आतमरूप सुहावना, कोई जानै रे भाई ।
जाके जानत पाइये, त्रिभुवन ठकुराई .........
मन इन्द्री न्यारे करौ, मन और विचारौ ।
विषय विकार सबै मिटैं, सहजैं सुख धारौ ।।आतम. ।।१ ।।
वाहिरतैं मन रोककैं, जब अन्तर आया ।
चित्त कमल सुलट्यो तहाँ, चिनमूरति पाया ।।आतम. ।।२ ।।
पूरक कुंभक रेचतैं, पहिलैं मन साधा ।
ज्ञान पवन मन एकता, भई सिद्ध समाधा ।।आतम. ।।३ ।।
जिनि इहि विध मन वश किया, तिन आतम देखा ।
`द्यानत' मौनी व्है रहे, पाई सुखरेखा ।।आतम. ।।४ ।।

---